Dut l’amiant ator pal Friûl-Vignesie Julie mapât di ca a doi agns

Dentri dal 2026 e sarà pronte la mapadure dal amiant tal teritori de nestre regjon. Lu à dit vuê a Triest l’assessôr regjonâl ae Difese dal ambient Fabio Scoccimarro in ocasion di une conference fate inte sede de Regjon.

In cheste ocasion, Scoccimarro al à ancje visât che la Arpa dal F-Vj e à publicât tal so sît Internet une sezion a pueste dedicade dute a chest materiâl pericolôs, in maniere di informâ citadins e impresis su cemût che a son fats i prodots che a àn amiant, lis proceduris par visâ e che al è stât cjatât e par bonificâ il puest, la situazion sul teritori e cemût che a van indenant i lavôrs par puartâlu vie. (a.d.g.) – 30.09.2024