Li de Fondazion Friuli si fevele di architeture

Trê miercus di Otubar par cirî di interpretâ il presint e l’avignî de architeture traviers no dome che lis oparis di doi grancj progjetiscj furlans dal ‘900, ma ancje scoltant la testemoneance di cui che al forme chei di doman. La Fondazion Friuli, intal so palaç Antonini-Stringher a Udin, e ospite trê incuintris inmaneâts dal editôr Gaspari in colaborazion cul Ordin dai architets di Udin. Il cicli di incuintris al tache ai 2 di Otubar aes 5.30 di dopomisdì cu la figure dal architet Marcello D’Olivio, bon di imagjinâ intal passât une idee di architeture che ancje al dì di vuê e à une modernitât straordenarie e che e à une storie dispès cuasi di liende. Il secont incuintri, ai 23 di Otubar, al è dedicât a Aldo Bernardis, che in mieç secul di ativitât al à firmât cetantis oparis publichis e privadis a Lignan, visitantlis propit di miercus! Il tierç apontament al è cuntun ospit di lustri: il retôr de Universitât di Vignesie, Benno Albrecht. (A.I.) – 01.10.2024