49
Dal furlan al ladin, dal sart al cors. Cualis sono lis prospetivis pe trasmission des lenghis di minorance aes gnovis gjenerazions? Il teme al sarà frontât intun seminari de Universitât dal Friûl miercus ai 2, des 10 di matine inte aule 11 di vie Margreth 3. “New speaker e semi-speaker” al è il titul dal incuintri che al tratarà la situazion di cualchi lenghe minoritarie europeane: a son simpri mancul personis che lis imparin in fameis e simpri plui chês che lu fasin inte scuele in graciis di cors inmaneâts di ents e associazions culturâls. Aes 5 di dopomisdì al sarà proietât il documentari “Lingua mater”, un “viaç globâl intai leams afetîfs tra lis personis e lis lôr lenghis maris” par cure di Massimo Garlatti Costa. (A.I.) – 01.10.2024
