Cjatât muart l’om disparît îr a Monfalcon

Al è stât cjatât muart l’om disparît îr a Monfalcon intes aghis dal canâl Lisert. Par cirîlu i pompîrs e la Vuardie di finance a jerin in vore de miezegnot di lunis, cuant che al è partît l’alarme.

Di lui no si saveve plui nuie di cuant che lu vevin viodût lâ bande de sô barcje, peade tal canâl.

Par cirî il puar om a son jentrâts in azion i subacuis dal nucli socors subacui acuatic dal Comant di Triest dai vigjii dal fûc dilunc dal canâl che al è stât ancje controlât cuntun sonar speciâl. (a.d.g.) – 01.10.2024