Mozart al jemple lis salis di conciert

Za dut plen pal conciert “Mozart e il so timp”, tierç apontament de rassegne “Mozart e dintorni”, organizade dal ERT, ent regjonâl teatrâl dal F-Vj, in colaborazion cu la associazion Mozart Italia (sede di Udin). L’avigniment al è vinars ai 4 inte Torate di Sante Marie e i protagoniscj de serade a saran doi zovins talents emergjents de musiche classiche: il violoncelist Alessandro Guaitolini e il pianist furlan Matteo Bevilacqua, acompagnâts de Roma Tre Orchestra. Il program al previôt la esecuzion di dôs oparis mestris de musiche par strument solist e orchestre: il Conciert n. 2 di Haydn par violoncel e orchestre, e il n. 9 di Mozart par piano e orchestre. (A.I.) – 02.10.2024