Rapinadôr cjatât e condanât in graciis de prove dal Dna

Marco Hudorovich di 55 agns, di Udin, al è stât condanât a 8 agns di preson dal Gip dal Tribunâl di Udin Mariarosa Persico.

L’om al jere acusât di trê rapinis, fatis tra il Nadâl dal 2021 e il Prin dal an dal 2022: a incjastrâlu une gote di sanc lassade sul lûc dal so ultin colp, la farmacie di Cosean. Il prin colp al jere stât fat a Davian cuant che al veve puartât vie doi mil euros par dopo tornâ ae cjarie a Voleson Darzin doprant simpri un taiarin, indulà che al veve robât 1.100 euros. La prove dal dna su la gote di sanc lassade a Cosean e à permetût aes fuarcis dal ordin di individuâlu e blocâlu. (a.d.g.) – 02.10.2024