Elio e Stefano Ciol in mostre a S. Francisco

Doi grancj fotografs furlans in Californie. Il Museu talian american di S. Francisco al à screât la mostre “Into the Light”, un viaç visîf che al celebre il talent e la inovazion dai doi artiscj di Cjasarse, Elio e Stefano Ciol, pari e fi. La mostre – che e restarà vierte fint ai 2 di Fevrâr dal 2025 – e je ancje un omaç ae bielece dal Friûl, plui voltis tirade dentri dai doi fotografs, cjapant la anime e mandant fûr la lûs. Par Elio – che al à celebrât i siei 95 agns e al è calcolât fra i mestris plui autorevui de fotografie contemporanie, cun 175 mostris personâls realizadis in Italie e intal mont – e Stefano Ciol, la fotografie e je, di fat, soredut un at di contemplazion de nature. (A.I.) – 03.10.2024