Cjistiei vierts par doi dîs in Friûl

Sabide ai 5 e domenie ai 6 di Otubar al torne “Castelli aperti FVG”, l’apontament plui spietât par scuvierzi la regjon traviers cjistiei, cjasis e parcs privâts e publics, sierâts di norme ai visitadôrs. A son 21 i cjistiei che a vierzaran lis puartis pe edizion de Sierade, des culinis al mâr, in dutis lis provinciis de regjon, in gracie dal lavôr dal Consorzi pe Difese dai Cjistiei Storics dal Friûl-Vignesie Julie. Sedis i cjistiei in provincie di Udin: a Premariâs, Strassolt, Pulfar, Flambruç, Colorêt di Montalban, Murùs, Ruvigne, Crauì, Breçan, Tresesin, Susans, Vilalte di Feagne e Manzan. Trê a son in provincie di Pordenon (Spilimberc, Preusdomini e Cordovât), un in chê di Gurize (Monfalcon). (A.I.)  – 04.10.2024