30
Ploiis fuartis, nêf dai 1.200 metris in su’ e aiaron fuart a stan batint la nestre regjon. La bore e à soflât a fuart su la cueste e une vore a fuart a Triest, indulà che e à tocjât i 110 chilometris oraris cun pontis di 133 sul confin cu la Slovenie.
La bugade di trist timp che e va ancjemò indenant e à metût sot pression i Vigjii dal fûc in dute la regjon e soredut a Triest, indulà che a son stâts fats passe un centenâr di intervents vie pe gnot e passe 45 dilunc de zornade.
Intes ultimis 24 oris sul Friûl-Vignesie Julie a son colâts tra i 50 e i 90 milimetris di aghe e lis ploiis a son ancjemò fuartis. (a.d.g.) – 04.10.2024
