E je tornade al so puest la statue di Sgorlon

Daspò di une lungje spiete, la statue di Carlo Sgorlon, ruvinade di un camion tal Mai di chest an, e je biadelore tornade al so puest. La gnove version, fate dal artist Calogero Condello, e je stade metude denant de sezion moderne de biblioteche Vincenzo Joppi, intune zone pedonâl, par ridusi il risi di altris incidents. La scree uficiâl e sarà doman a misdì.

La statue origjinâl e jere stade butade ju’ di un camion in manovre. I dams e jerin stâts une vore fuarts e cussì al è stât decidût di fâ une gnove statue. Il cost de opare, plui o mancul 25 mil euros, al sarà paiât -si spere- de assicurazion dal camion. (a.d.g.) – 07.10.2024