40
Vuê tor des 11 e mieze di matine al è stât un incident mortâl dilunc de autostrade A4 tra Tisane e S. Zorç di Noiâr, bande Triest. A pierdi la vite un om di 38 agns che al viveve a Schio in provincie di Vicence.
La auto che al vuidave e à pocât daûr un camion parcât su la corsie di emergjence. Dutis di sclarî lis causis dal bot ancje parcè che no jerin problemis di trafic, la strade e jere libare e nol jere brut timp.
Sul puest a son rivâts daurman il personâl dal 118, la polizie stradâl e chel di Autostrade Alto Adriatico. (a.d.g.) – 08.10.2024
