A Udin si scree la scuele di politiche de arcidiocesi

La scritore e storiche Benedetta Tobagi e je la ospite de serade di scree de edizion 2024-2025 de SPES, la Scuele di Politiche e Etiche Sociâl de Arcidiocesi di Udin. “Partecipazion, responsabilitât, fiducie. Al cûr de democrazie” al è il titul dal incuintri che si fasarà miercus ai 10 a Udin, intal Palaç Garzolini-Di Toppo-Wasserman di vie Glemone, sede de Scuele superiôr de Universitât dal Friûl e dai incuintris ordenaris de SPES, rivâts ae decime prime edizion. La Scuele di Politiche e Etiche Sociâl de Arcidiocesi di Udin e je un percors formatîf che al vûl promovi e sostignî une culture dal impegn civîl viert a ducj: in particolâr a zovins, aministradôrs locâi, sindicaliscj, personis impegnadis intal mont dal volontariât e de cooperazion. (A.I.) – 09.10.2024