Pianiscj zovins a Palme

Il “Tartini Master Plan” al torne pal secont an a Palme. Un festival dut dedicât al piano, cun sîs pianiscj di talent e doi concierts a serade par viazâ intal repertori dai grancj mestris de musiche. Sul palc dome zovins artiscj, ducj pluripremiâts e impegnâts tal Master di secont nivel in piano. La maratone pianistiche par cure dal Conservatori “Tartini” di Triest, dute a jentrade sore nuie tal Teatri “Modena”, e tache joibe ai 10 aes 8.30 di sere cun Mattia Groppello e Andrej Shaklev, e va indenant vinars ai 11 cun Luca Chiandotto  e Kostandin Tashko e si siere sabide ai 12 cun Alessandra Fornasa e Matteo Bevilacqua. (A.I.) – 10.10.2024