“Suns Europe” al tache di Gurize e Cormons

Dut pront pe decime edizion di Suns Europe, il festival des arts in lenghe minorizade organizât ogni an de cooperative Informazione Friulana, editore di Radio Onde Furlane. Il festival si scree vinars ai 11 di Otubar, cuntun apontament fis pai “esperts dal setôr”, ven a stâi l’incuintri “Plui lenghis, plui culture, plui Europe”, a Gurize. La musiche e tacarà ai 9 di sere, parsore dal palc de Cantine Gradnik di Cormons cui Pokriva Nociva, rapresentants de comunitât slovene dal Friûl, e i bascs Don Condor eta Ñora Alacran. I prins, nassûts intal 2021 te Braidova Hiša di Stregne, i Pokriva Nočiva a son un masanin di rock, blues, garage, punk e reggae dulà che si dan dongje i stereotips, lis contradizions e lis bielecis des Valadis dal Nadison. Sabide ai 12, Suns Europe al larà alì dal Cral Arci Ciliti di S. Vît dal Tiliment: in program il conciert dai bascs Niña Coyote eta Chico Tornado e i furlans Bakan. (A.I.) – 10.10.2024