Il Tar al da reson al grup Danieli che al vûl savê cui che al à firmât

Il Tar dal Friûl-Vignesie Julie al à dât acet al ricors fat dal grup Danieli cuintri de Regjon che no veve dât ae aziende il permès di lei lis listis dai 21.974 che a vevin firmât la petizion presentade ai 25 di Lui dal 2023 cuintri de costruzion de açalarie Danieli a S. Zorç di Noiâr, adun cul grup ucrain Metinvest.
La sentence dal Tar fate ai 26 di Setembar di chest an e à anulât la note dal segretari gjenerâl dal Consei regjonâl fate ai 12 di Dicembar dal 2023 e e à ordenât ae Regjon di mostrâ la documentazion domandade dentri di 30 dîs de notificazion de sentence”. (a.d.g.) – 11.10.2024