Il grant regjist in direte video a Udin e a Pordenon

Tal Visionario di Udin e li dal Cinemazero di Pordenon, lunis ai 14 aes 7.15 sot sere, il regjist Francis Ford Coppola al presentarà in direte video “Megalopolis”, in concors a Cannes – dulà che al è tornât 45 agns dopo vê vinçût la ultime “Palme di aur” – e cine di pre viertiture de Fieste dal Cine di Rome, une epopee romane ambientade intune Americhe moderne e imagjinarie. “Megalopolis – al sclarìs il regjist – al è un cine sul timp e ogni artist al à il podê di controlâ il timp. I pitôrs lu cristalizin, i balarins i danzin intal spazi ator. La art dute e rivuarde il control dal timp”. E je la storie di un architet che al à un plan utopistic par ricostruî la “Gnove Rome”, distrute ad implen di une catastrofe, intun mût dal dut gnûf e inovatîf. (A.I.) – 14.10.2024