La cuarte edizion dal festival “Frattempi” si siere miercus ai 16, aes 9 sot sere, tal Teatri “Modena” di Palme, cuntun grant avigniment, che al viodarà protagonistis dôs cjantantis straordenariis, pe prime volte insiemi suntun palc in Europe. La serade e previôt une interviste ae cjantante e atore Tosca e a Teresa Parodi, vôs e ghitare, une figure iconiche de culture argjentine, une ativiste, une politiche, une poetesse e dal sigûr une des cjantautoris plui rapresentativis de musiche popolâr no dome dal so Paîs, ma di dute la Americhe Latine. Cun lôr a fevelâ prime dai concierts Silvia Savi, assessore ae Culture dal Comun di Palme, e il diretôr artistic de rassegne, Edoardo De Angelis. Po dopo, lis esibizions musicâls des dôs artistis cui lôr grups. (A.I.) – 15.10.2024
Dôs grandis vôs femininis a Palme
43
