Si scree il teatri “Maurensig” a Felet

Dut pront pe scree uficiâl de stagjon 2024/2025 de Fondazion “Luigi Bon”, che chest an e cjate cjase intal gnûf teatri di Felet intal Comun di Tavagnà, pront a deventâ il “teatri di ducj”, daûr di chel che al stât anunziât inte presentazion uficiâl dal calendari. L’avigniment di scree de stagjon, che e viôt passe 30 avigniments fra musiche, teatri e danze, al è in program joibe ai 17 aes 8.30 sot sere cu la cerimonie di intitulazion dal Teatri Comunâl di Tavagnà a Paolo Maurensig, in presince de sô famee e des autoritâts. La sô figure e la opare duncje a saran riclamadis intun percors di sugjestions leterariis e musicâls, par cure de critiche leterarie Martina Delpiccolo, intune narazion che e larà indevant par peraulis, imagjins e notis. Tacant des citazions musicâls des oparis di Maurensig, la FVG Orchestra direte dal austriac Florian Krumpöck e onorarà il scritôr cun musichis di Bach e estrats di Morricone e Beethoven gjavâts de colone sonore dal cine “Canone inverso”. (A.I.) – 16.10.2024