Anteprime dal ‘gnûf’ Bergonzoni a Sacîl

Dopo vê ospitât ae fin di Setembar une date de ultime tournée di “Magazzino 18″ di Simone Cristicchi, Sacîl e da acet ae anteprime dal gnûf spetacul di Alessandro Bergonzoni, “Arrivano i dunque”, fûr abonament vinars ai 18 tal Teatri “Zancanaro”. Atôr, scritôr, dramaturc e mestri dal paradòs, Bergonzoni al passe e al torne a inventâ lis frontieris de art cu la sô cifre stilistiche inconfondibile, fate di zûcs di peraulis e di riflessions esistenziâls jenfri reâl e sureâl. In sene il so univiers fat di pinsîrs inspietâts e di resonaments fulminants, là che ogni peraule e somee che e vivi di vite proprie, intant che dut si messede intune architeture di comicitât, ironie e riflession filosofiche. (A.I.) – 17.10.2024