La discoteche inte fiere di Udin

No je une serade compagne di chês altris, ma pardabon un spetacul dulà che ducj a vuelin jessi presints. Il “Ceghedaccio” si davuelç il vinars, dôs voltis par an, te Vierte e te Sierade, di vincj agns intal paveon 6 de Fiere di Udin. La date duncje al è vinars ai 18 di Otubar, come simpri tacant des 8 di sere e, in maniere rigorose, dome fint aes 1.30 di gnot par une serade tal segn dal divertiment in sigurece e de passion pe musiche. Di là de musiche dal vîf e di une produzion senografiche di grant conciert, cun efiets speciâi simpri gnûfs, al centri al sarà come simpri Renato Pontoni, che al è rivât a puartâ il Ceghedaccio ancje in Sardegne, e che al sunarà i discs, dome in vinîl e selezionâts de sô colezion di passe 20 mil titui, par fâ tornâ il public indaûr fint ai agns ‘70, ‘80, ‘90… (A.I.) – 17.10.2024