La programazion di avigniments li dal Arci Cral di S. Vît dal Tiliment e va indevant cu lis presentazions di libris. Il prin ospit al è Marco Anzovino, educadôr e musicoterapeute, amât di gjenitôrs e adolessents, che vinars ai 18 aes 9 sot sere al presentarà il so ultin lavôr “I ragazzi della strada accanto” (I fantats de strade in bande), in dialic cun Roberto Zoccolan. Di plui di vincj agns Marco Anzovino al è impegnât sul teme des tossicodipendencis, lavorant intune Comunitât terapeutiche li dal Lît di Vignesie, dulà che al vîf ogni dì la bataie pe indipendence di tantis fantatis e di tancj fantats. Traviers cheste esperience, al à trat cualchi lezion che e jude a rifleti sui compuartaments a pericul di tancj adolessents, par capî cemût che e je cambiade la tossicodipendence. (A.I.) – 17.10.2024
I zovins e la droghe contâts di un scritôr ‘sul cjamp’
42
