I Vigjii dal fûc di Codroip a son rivâts a pene in timp par salvâ un om vieli intosseât dal monossit di carboni inte so abitazion a Codroip.
Clamâts parcè che l’om nol rispuindeve ai vicins, i pompîrs a son jentrâts daspò vê controlât la presince dal gas une vore pericolôs e par chest a son lâts dentri de cjase, dopo vê spacât la puarte, doprant lis mascaris cui autorespiradôrs. Il vieli al jere distirât sul liet inte so cjamare al prin plan e al veve pierdût i sintiments.
Vierts daurman i barcons i pompîrs a àn rivât a sveâ l’om e a tignîlu sveât fintremai che il nivel dal gas si è sbassât. Dome in che volte a son jentrâts in cjase i sanitaris che a àn controlât l’om e lu àn puartat tal ospedâl.
Sul puest ancje i carabinîrs di Codroip.