10
Li dal Palamostre di Udin lunis ai 21, aes 7.22 sot sere, si scree la centesime tierce stagjon di concierts dai Amîs de Musiche di Udin. Par taiâ la curdele dal prin dai cutuardis apontaments in cartelon, a laran sù sul palc doi esecutôrs di nivel cetant alt: la virtuose Aiman Mussakhajayeva al violin e il pianist straordenari Bruno Canino, che cui siei 89 agns al rive ancjemò a maraveâ ae tastiere dal Steinway. Une misture di tecniche e di sensibilitât musicâl par doi artiscj cuntune cariere plene di ricognossiments e sucès intai teatris plui grancj dal planet. Al centri dal program: musichis di Beethoven, Vitali, Saint-Saens e Ravel. (A.I.) – 21.10.2024
