Incident pardabon grivi vuê di matine in plaçâl Chiavedalis a Udin, tor des 11. Une auto de Polizie di Stât, che e stave lant bande viâl Ledra a sirenis impiadis, si è dade cuintri a une altre auto, di colôr neri e vuidade di une femine, che e rivave bande une strade laterâl, propit denant dal cantîr de ex Dormish.
Sul puest a son rivadis daurman diviersis patuliis de Polizie Locâl e trê ambulancis e i pompîrs. I poliziots a son stât puartâts in ospedâl in codiç vert, intant che la siore e une altre femine a son stadis puartadis tal ospedâl in codiç zâl. A son sot investigazion lis causis dal incident che al à blocât par une vore di timp une des stradis plui traficadis de citât, ancje parcè che i tocs des autos a jerin sparniçâts suntune aree une vore largje. (a.d.g.) – 21.10.2024
