Visavì: sucès pal festival di danze

Si è sierade cun sucès la cuinte edizion di Visavì – Gurize Dance Festival, che al à puartât la miôr danze contemporanie intes salis di Gurize e di Gnove Gurize par cinc dîs: operadôrs e artiscj che a vegnin de Ingletiere, Slovenie, Cravuazie, Grecie, Olande, Portugal, Polonie, Gjermanie, Svuizare, France  e Argjentine, cun 25 avigniments in cinc dîs, dôs primis assoludis, sîs primis talianis e 13 compagniis. Si è rivâts cuasi a trê mil presincis cuntune incressite dal 30 par cent: ancje par chest, la direzion artistiche di ArtistiAssociati – centri di produzion teatrâl e je za al lavôr pe programazion dal an che al ven, cuant che e sarà la capitâl europeane de culture. (A.I.) – 22.10.2024