Il jazz al cjate i ritmis gjamaicans

Al è un fîl condutôr che al met dongje doi stîi musicâi distants tant che la musiche jazz e la musiche dub di origjin gjamaicane, di là dal periodi storic là che a son nassudis: la grande voie di sperimentâ. E alore, parcè po no cirî di meti adun chescj doi monts? “Jazz my Dub!” al è propit chest: viodi e scoltâ sul stes palc un dal plui impuartants musiciscj jazz furlans, il saxofonist Francesco Berzatti, cui straordenaris e ancjetant innomenâts Wicked Dub Division, ducj interessâts aes sonoritâts dal mont. Suntune idee di Slou – societât cooperative par “Estensioni”, il jazz club difondût, il conciert al è in program miercus ai 23 al Teatri “Mascherini” di Daçan Decim. (A.I.) – 22.10.2024