Gnovis rognis judiziariis par Mauro Lovisa, za paron dal Pordenone calcio

Su ordin dal Tribunâl di Pordenon, la Vuardie di finance e à secuestrât 622 mil euros di doi conts in bancje che a son leâts al za paron dal club neri vert, cumò in licuidazion. Un al sarès dal stes Lovisa e chel altri de societât di balon.

Des investigazions de Vuardie di finance, tacadis cuntune prime denunzie de Agjenzie des jentradis pal mancjât viersament di Iva tal 2019, al è saltât fûr che dal 2021 al 2022 la aziende no veve paiât ritignudis fiscâls par 3,9 milions di euros, daspò deventâts 622 mil euros pe modifiche des normis tributariis. (a.d.g.) – 22.10.2024