La associazion “Piano FVG”, direte di Davide Fregona, e presente joibe ai 24 di Otubar il secont apontament cu la gnove rassegne di concierts “Senza mani” (Cence mans), che e anticipe il Concors pianistic internazionâl dal Friûl-Vignesie Julie dal 2025. La ‘Sale des colonis’ de ex Preture di Sacîl e ospitarà ogni joibe fint ai 12 di Dicembar zovins talents emergjents dal piano, sielts tra i miôr pianiscj sot dai 16 agns di “PianoFriends”, une associazion culturâl milanese che e inmanee avigniments par tirâ sù, promovi e inviâ talents zovins, sot la direzion artistiche di Vincenzo Balzani e Catia Iglesias. Intal program di joibe a spichin i zovins Carlotta Galli e Ermes Balili; po dopo, si larà indenant joibe ai 7 di Novembar cun Margherita e Sara Rordorf, il pianist cinês-talian Jun Ju He e il grant finâl joibe ai 12 di Dicembar. (A.I.) – 23.10.2024
A Sacîl si cirin talents zovins dal piano
7
