Arearea e puarte la danze tal ‘Maurensig’

La compagnie Arearea e rive al gnûf Teatri ‘Maurensig’ di Tavagnà, vinars ai 25 des 7.30 sot sere, cuntune gnove date di “Off Label”, la rassegne par une gnove danze che e va indenant fin a Jugn 2025 cun vincjeun apontaments, ospitâts ancje di Il Studi, centri di danze contemporanie, e de Galarie ‘Tina Modotti’. La serade a Felet si vierzarà intal foyer, che pe ocasion si trasformarà intun lûc acuatic, dulà imerzisi ae scuvierte di gnovis percezions di timp e di spazi ancje cul spetacul “Battistero” di Marta Bevilacqua, Valentina Saggin e Anna Savanelli, de compagnie Arearea. Po dopo, e sarà la sale principâl dal ‘Maurensig’ a ospitâ un dopli spetacul di danze: “Fioriture autoritratte”, cun Irene Ferrara e Marco Pericoli, e “Scarti – pezzi non conformi alla qualità attesa”, che al viodarà in sene Roberto Cocconi e Luca Zampar, simpri de compagnie di Udin. (A.I.) – 24.10.2024