Une orchestre ‘inclusive’ inte Basiliche ‘par ducj’

Inte suaze dal progjet “Basiliche di Aquilee par ducj”, sabide ai 26 aes 6 dopomisdì, la Orchestre inclusive Ami Ritmea direte di Alessio Domini, cun Raffaela Pascolini soliste al piano, si esibirà dentri de Basiliche di Aquilee intun program ecletic, cun musichis di Mainerio, Susato, Mozart, Grieg, Musorgskij, Šostakovič… Il conciert al sarà introdot de conte des novitâts di inclusion fatis pe acessibilitât de Basiliche di Aquilee pes personis cun disabilitâts variis. AMS-Ativitât Musicâl Inclusive e je nassude intal 2017, dentri dai percors musicâi di Ritmea. Il fin dal progjet al è chel di permeti a fruts, fantats e grancj cun disabilitât e neurodiversitât di acedi ai percors musicâi proponûts de scuele e di tacâ i studis musicâi. (A.I.) – 25.10.2024