10
E nas sabide ai 26 a Monfalcon la Rêt des citâts inmuradis, cu la firme di un protocol di colaborazion de bande di une schirie di realtâts che, intune cu la citât dai cantîrs, a rapresentin lûcs simbul de storie medievâl regjonâl: Aquilee, Cividât, Mugle, Spilimberc e Vençon. Il fin de rêt al è chel di promovi la valorizazion dal patrimoni archeologjic, architetonic e culturâl e di fâ scuvierzi la ricjece dal timp tra Ete di mieç e Rinassiment, che al à segnât insot il Friûl-Vignesie Julie, lassant manufats e oparis di art di valôr ecezionâl. Il Comun di Monfalcon al à invistît za plui di 600 mil euros par fâ, tal plan tiere dal Municipi, un piçul museu cu lis muris dal Tresinte e la esposizion di reperts impuartants. (A.I.) – 25.10.2024
