Un mestri di violoncel e une orchestre di talents

E va ancjemò indevant “San Vito Musica”, la rassegne inmaneade de Academie di arcs “Arrigoni” a S. Vît dal Tiliment. Un articolât e sugjestîf percors di ricercje, fint al mês di Dicembar, traviers repertoris pôc frecuentâts e di grande cualitât. Protagonist dal conciert “Cello Maestria”, in program ai 27 di Otubar tal Auditorium Comunâl aes 5 dopomisdì, al è il violoncel. Chel di Enrico Bronzi, musicist e diretôr di orchestre di innomine internazionâl, ma ancje insegnant apassionât e divulgadôr musicâl, che al presente musichis di Haydn e Mozart intune cu la Orchestre di Cjamare di Peruse, nassude de esperience plurienâl di musiciscj zovins – vincidôrs di concors talians e internazionâi – inte difusion de culture musicâl, massime in relazion cul mont de scuele. (A.I.) – 26.10.2024