Un furlan in gare tra i zovins di Sanremo

Al è ancje un furlan tra i 24 finaliscj di “Sanremo Giovani”, selezionât cul so toc “Se fossi felice” di 564 iscrits, che dai 12 di Novembar si contindaran i cuatri puescj pal “Festival di Sanremo” 2025, te categorie “Gnovis Propuestis”. Sea John, pseudonim di Giovanni Maresca, al à divignince filipine e al è nassût a S. Vît dal Tiliment, al sune une musiche ‘alternative’ rock/metal, ma ancje pop, e un pâr di agns indaûr al à vinçût ancje il concors “Percoto Canta”. Par cinc setemanis, ogni martars, i concorints si presentaran suntun program di Alessandro Cattelan mandât in onde su Rai 2. In jurie, cul diretôr artistic Carlo Conti, Ema Stokholma, Carolina Rey, Manola Moslehi, Enrico Cremonesi e Daniele Battaglia. I sîs plui votâts a laran po dopo tal Teatri dal Casinò di Sanremo pe serade finâl dai 18 di Dicembar e di li’ in cuatri tal Teatri “Ariston”. (A.I.) – 24.10.2024