“Leggimontagna”, ducj i vincidôrs

La vincjesime seconde edizion di “Leggimontagna” si è sierade cu la premiazion dal concors leterari promovût de Asca, la associazion des sezions Cai di Cjargne, Cjanâl dal Fier e Val Canâl. Ducj i titui vincidôrs a àn vût une grande atenzion par ambient e teritori, declinade intai diviers regjistris di narazion. Il prin premi intai saçs al è lât a “Terra italiana. Possedere il suolo per assicurare i confini 1915-1954” di Andrea Di Michele. A “Neve. Compendio di nivologia” di Renato Cresta al è stât invezit dât il prin premi inte categorie “vuidis”. A vê il prin premi de narative al è stât “Adam the Climber”, scrit di Ondra e de vuide alpine Pietro Dal Pra. Il premi speciâl “Dolomiti Unesco” al va a “Vaiont. La prima sentenza” par cure di Maurizio Reberschak, Enrico Bacchetti e Silvia Miscellaneo, intant che l’”Alpinist amì” sielt pal 2024 al è Giacomo Giordani, clautan, fin di zovin atîf intal Cai e intal Socors alpin. (A.I.) – 28.10.2024