A Triest al tache il prin festival di fantasience in Italie

“Trieste Science+Fiction Festival”, il plui spietât e impuartant avigniment talian dedicât ae fantasience, al è pront pe sô vincjesime cuarte edizion, che si fasarà di martars ai 29 di Otubar e fint ai 3 di Novembar dal 2024. Ancje chest an, la manifestazion e previôt une selezion di cines in anteprime nazionâl taliane che a frontin temis di grande atualitât, des pôris su la Inteligjence Artificiâl fint ae menace dal cambiament climatic, simpri traviers lis declinazions dal gjenar fantastic, spaziant de fantasience pure al thriller e al orôr. Tra i cines in program, “Mads” di David Moreau, “Infinite summer” di Miguel Llansò, il cinês “Escape from 21st century” di Yang Ju e cetancj altris. Nassude intal 2000, la rassegne e à racuelt la ereditât dal storic festival internazionâl dal cine di fantasience di Triest, che si è fat dal 1963 al 1982: la prime manifestazion dedicade al cine di gjenar in Italie e in dute Europe. (A.I.) – 28.10.2024