Palme invidade ae mostre internazionâl de archeologjie virtuâl

Ancje Palme e je inte edizion 2024 di “Archeovirtual”, la inovative mostre internazionâl des tecnologjiis multimediâls, interativis e virtuâls, che si tignarà a Paestum di joibe ai 31 di Otubar a domenie ai 3 di Novembar dentri de vincjesime seste Borse mediteranie dal turisim archeologjic (BMTA). La citât stelade e vignarà presentade traviers une instalazion video, che e sintetize il sisteme di fruizion multicanâl dentri de Sale Multimediâl (a Palme in Borc Udin) fate di MetaHeritage, societât che si interesse di promovi e di pandi il patrimoni culturâl traviers lis gnovis tecnologjiis. E che e permet di esplorâ la citât di un sôl lûc e di dialogâ cun naratôrs virtuâi par aprofondî lis tematichis leadis ae creazion de fuartece. (A.I.) – 29.10.2024