Tal ‘Maurensig’ di Felet un conciert jazz cu la orchestre

E jentre intal vîf la stagjon dal Teatri “Paulo Maurensig” di Tavagnà, il “teatri di ducj” a pene screât che al ospite, par iniziative de Fondazion “Luigi Bon”, la sô prime vere stagjon di programazion. Dopo la intitulazion dal teatri al scritôr furlan e il prin avigniment dedicât ae danze, il program a Felet al previôt un gnûf apontament dal calendari musicâl. Miercus ai 30 ve duncje il conciert dal titul Nada Màs Fuerte, un progjet di jazz moderni che al cjape vite de sugjestion de musiche popolâr. Sul palc il gjeniâl trombonist, compositôr e diretôr di orchestre Mauro Ottolini e la ecletiche cjantante Vanessa Tagliabue York, acompagnâts di Thomas Sinigagli, Marco Bianchi, Giulio Corini, Zeno De Rossi, Valerio Galla e de Fvg Orchestra, cul prin violin Uendi Reka. (A.I.) – 29.10.2024