Dopo vê anunziât Alanis Morissette, cu la uniche tape taliane dal so tour mondiâl, al sarà Sting a puartâ, ai 9 di Lui dal 2025 te Vile Manin di Passarian, une des datis dal so “Sting 3.0 World Tour” par un gnûf grant apontament di “GO!2025&Friends”, il cartelon di avigniments dongje dal program uficiâl di GO!2025. Cun 17 Grammy Awards e passe cent milions di albums vendûts in dut il mont, Gordon Matthew Thomas Sumner al è un dai artiscj soliscj plui impuartants e carateristics tal mont. Compositôr, cjantautôr, atôr, ativist, autôr e frontman dai Police, al à vût ancje un Golden Globe, cuatri voltis candidât ai Oscars e tancj altris premis, di là di vê vuadagnât une stele su la “Hollywood Walk of Fame” e di jessi stât ametût inte “Rock and Roll Hall of Fame”. (A.I.) – 29.10.2024
Foto di Carter B. Smith
