I Tre Allegri Ragazzi Morti a fasin fieste a Bologne

A pôcs dîs dal principi dal tour european, dut al è pront pe “gnot dai muarts 2024”: un avigniment speciâl, ai 31 di Otubar li dal Estragon di Bologne, par celebrâ i 30 agns dai Tre Allegri Ragazzi Morti, propit intal dì dal lôr complean. Une fieste in stîl perfet pal grup di Pordenon, fate di ospits speciâi, maraveis e chê energjie che di trê decenis e impie i lôr concierts. Il grup al à a pene publicât su dutis lis plateformis digjitâls il singul “Crocchette Dub”, il gnûf estrat di “Rimesse Dub”, la version dub di “Garage Pordenone” fate di Paolo Baldini DubFiles, disponibil in esclusive in vinîl dai 7 di Novembar tal PAFF! – Palaç dal Fumet di Pordenon, in ocasion de scree di “Tre Allegri Ragazzi Morti Expo” e dai 6 di Dicembar su dutis lis plateformis digjitâls. (A.I.) – 30.10.2024