A Cinemazero une serade di classics dal orôr

Une serade speciâl, chê organizade dal Young Club di Cinemazero (il grup di fantatis e fantats sot dai 30 agns apassionâts di cine) par joibe ai 31 di Otubar: dôs proiezions speciâls te gnot plui dal orôr dal an! La serade e scomence cun “Nightmare – dal profondo della notte”, il prin cjapitul, zirât tal 1984 dal regjist Wes Craven, di une lungje serie di cines dedicade aes impresis di Freddy Krueger. Po dopo, un altri grant classic dal gjenar, ven a stâi “Carrie – lo sguardo di Satana” (1976) di Brian De Palma. Ricognossude tant che une des pocjis peliculis che a àn aurît cun sucès dal imagjinari di Stephen King, e je un cine che al à fat scuele. (A.I.) – 30.10.2024