Dal 2020 cinc câs di suicidi assistût in regjon

A son stâts dal 2020 cinc câs di suicidi assistût dai miedis inte nestre regjon. Doi a son stâts regjistrâts inte Aziende sanitarie universitarie dal Friûl centrâl (Asufc) e trê inte Aziende sanitarie universitarie di Triest e Gurize (Giuliano Isontina).

Lu à dit vuê di matine a Triest in Consei regjonâl l’assessôr ae Salût Riccardo Riccardi intant che al rispuindeve a une interogazion. (a.d.g.) – 30.10.2024