Il mont des feminis daûr dai oms

Al va indevant vinars al prin di Novembar a Pordenon tal teatri Capitol il cicli di spetacui “Teatro Comedy al femminile”, pe vincjesime edizion de rassegne “La sene des feminis”, inmaneade de Compagnie di Arti&Mestieri direte di Bruna Braidotti. Elisa Pistis e presentarà il so monolic “Articoli per signore” (Articui par sioris”), un viaç ironic intal mont des feminis traviers lis peraulis dai gjornaliscj (oms) dai ultins cent agns. In sene une figure feminine poliedriche che, cun ironie e sarcasim, e acompagne il spetatôr leint introduzions e articui di croniche di diviersis epochis, cun musichis selezionadis de regjiste Annalisa Bianco. (A.I.) – 31.10.2024