Lopez e Solenghi a fâ ridi ator pe regjon

E scomence sabide di Tisane la tournée intal Circuit dal ERT di Massimo Lopez e Tullio Solenghi cun “Dove eravamo rimasti” (Dulà jerino restâts), il lôr gnûf “spetacul di arts variis”. Acompagnâts de Jazz Company direte di Gabriele Comeglio, a saran sabide ai 2 li dal Teatri Odeon, domenie ai 3 tal Ristori di Cividât, martars ai 5 e miercus ai 6 tal Bonezzi di Monfalcon, joibe ai 7 tal Candoni di Tumieç, vinars ai 8 tal Zancanaro di Sacîl, sabide ai 9 tal Verdi di Manià e, infin, domenie ai 10 tal Pasolini di Cjasarse. Lizerece unide a cualitât e professionalitât a son i elements al centri dal spetacul: une misture di numars, sketch, tocs musicâi e contribûts video, cun cualchi pic di comicitât. (A.I.) – 01.11.2024

Foto di M. D’Avanzo