19
La stagjon musicâl dal Teatri “Pasolini” di Çarvignan, curade de associazion Euritmica, si caraterize cuntun program a grant respîr: undis apontaments di musiche a componi un univiers svariât. Il sipari al va sù martars ai 5 cu la BGKO – Barcelona Gipsy balKan Orchestra, un grup internazionâl cun base a Barcelone, deventât un pont di riferiment pe world music, la musiche dal mont. Il sun unic e contemporani dal grup al derive de sô apassionade esplorazion dai sunôrs e dai timbris de musiche rom, klezmer, balcaniche e mediteranie, intindûts tant che un insiemi di tradizions musicâls e di culturis diviersis che al va di là di ogni confin etnic e gjeografic. (A.I.) – 03.11.2024
