Presentât de Agjenzie regjonâl pe protezion dal ambient dal Friûl-Vignesie Julie (Arpa Fvg) il gnûf rapuart sul stât dal ambient 2024, li dal salon di rapresentance de Regjon a Triest. Al event al jere presint Luca Mercalli, il sienziât famôs e espert di clime che al à visat che a nivel globâl, une vore di indicadôrs a stan mostrant une situazion par nuie buine. Il Friûl-Vignesie Julie al rapresente in tal so piçul un teritori che dut câs al regjistre une cualitât plui alte dal so ambient, ancje se a son problemis. Mercalli al à dit che “la protezion dal ambient e je e e sarà la plui grande sfide tai prossims agns”.
A jerin presints par fevelâ dai dâts metûts dentri de relazion i responsabii di setôr di ARPA FVG: Arturo Pucillo, Massimo Telesca, Enrico Bressan, Claudia Orlandi, Giovanni Cherubini e Daniela Domevscek. (a.d.g.) – 31.10.2024
