Amîs de musiche, serade cuasi jazz

Secont conciert – dopo chel cul mestri Bruno Canino – pe stagjon numar 103 dai Amîs de Musiche di Udin, dedicade ae memorie di Enzo Barazza e ancjemò une volte titulade ‘Grande musiche, grancj interpretis’. Miercus ai 6 tal teatri Palamostre, come simpri aes 19.22 par visâsi dal an di fondazion de associazion, sul palc a laran su’ Roberto Cappello and friends. Ven a stâi, il cuartet dal rafinât pianist che di agns al è ospit fis de rassegne, acompagnât di Luisa Sello al flaut, di Paolo Benelli al liron e di Alfredo Romeo ae batarie. Un program leât soredut ae musiche jazz, ma chê sunade cuntun strument tant presint intal cult european e un tic mancul in chel afroamerican: il flaut. (A.I.) – 05.11.2024