I slâfs a S. Canzian dal Lusinç

La Societât furlane di archeologjie e organize intal mês di Novembar un cicli di trê conferencis inte sale parochiâl di S. Canzian dal Lusinç, dedicadis al mont dai Slâfs. Il teme al è sugjerît dal fat che i sgjâfs archeologjics resints a àn dimostrât la presince, dongje de glesie, di un cimitieri medievâl impuartant, dulà che a son stâts soterâts elements de popolazion di culture materiâl slave. Tant che relatôrs a son stâts sielts cuatri studiôs (doi talians e doi slovens) che a àn al lôr atîf tancj studis. Franco Finco, docent te universitât di Clanfurt e il massim studiôs di toponomastiche dal Friûl: joibe ai 7 aes 6 dopomisdì al sclarirà la impuartance de lenghe slave inte toponomastiche dal dì di vuê. A lâ daûr, i intervents di Riccardo Cecovini, Miha Mlinar e Tine Milavec. (A.I.) – 06.11.2024