Max Giusti: ridadis e contis cun ‘bufulutis’

Max Giusti al torne in regjon cul spetacul “Bollicine” joibe ai 7 tal teatri comunâl di Cormons inte stagjon organizade di Artisti Associati. Lis bufulutis a compagnin di simpri lis seradis plui gaudiosis, cuant che al è alc di celebrâ cuntun brindis. Devant des bufulutis si lassin lâ a confidencis plui particolârs, chês che il comic al sarà pront a fâ al so public. Al colm de sô maturitât, personâl e professionâl, Max Giusti al è pront a dî lis sôs veretâts plui discomudis, contant al public chel che inte vite di ogni dì nol disarès mai. (A.I.) – 06.11.2024