16
La Fazioli Concert Hall e vierç vinars ai 8 la decime novesime stagjon a Sacîl, cun nûf apontaments fint a Març, simpri di vinars aes 7.30 sot sere. Ognidun dai nûf concierts dedicâts al piano al batarà sul valôr e la unicitât dal conciert dal vîf e al presentarà musiciscj diviers par divignince, formazion, cariere, inflùs culturâi, esperiencis, personalitât e repertori. Artiscj che a jerin spietâts di cetant timp o che a tornin a Sacîl, scomessis zovinis e gloriis internazionâls, tacant di Alexander Gadjiev, un dai nons plui in viste ancje se nol à ancjemò trente agns. Po dopo, l’ecletic Roman Rabinovich, rus israelian che al è a stâ in Canadà, e dopo ducj chei altris. (A.I.) – 07.11.2024
