A Udin un musical pe prime volte in Europe

Pe prime volte in Europe daspò dal grant sucès a Broadway, la version taliane dal cine “Tootsie”, la gnove comedie musicâl firmade di Massimo Romeo Piparo, e rive tal Teatri gnûf “Giovanni da Udine” dai 8 ai 10 di Novembar. Di ridi, ma ancje romantic e cuntune vene che e dissacre ma e fâs ancje rifleti, il gnûf musical gjavât fûr dal innomenât cine dal 1982 cun Dustin Hoffman, che al contave la storie di un atôr costret a vistîsi di femine par lavorâ, al è interpretât de cubie formade di Paolo Contarelli – za protagonist di sucès in “Mamma Mia!” e “The Full Monty” – e Enzo Iacchetti. (A.I.) – 07.11.2024